ياسوج شهرينده، تورکجه و فارسجا ديللرينده توی کارتی

ياشاسين تورك گنجلييي، مين ياشاسين قاشقاي ايليميز

لوريستان'ين ياسوج شهرينده كي بير قاشقاي تويو اوچون چاپ ائديله ن توركجه دعوت كارتي

بو يازي آنايوردوم وئبلاگيندان آلينيبدير

------------------------------------------------------------
ياز گونی غونچه لر خندان اولاندا
باغچا دولو عطر-و رئیحان اولاندا

نازلی يار حيجله ده مئهمان اولاندا
مأذون دئیه ر بو قوناغونگ قوربانی

(مأذون قشقایی)

قاشقای ائلی، ايران'ين ان تعصصوبلو تورک ائللرينين بيريسیدیر؛ دئیه بیللم کی اونلار، باشقا تورک اولمايان ائللر آراسيندا، باريش ايله یاشارکن، اؤز کيمليکلرينی اونوتماييبلار.

نئچه آی بوندان قاباق بير توی کارتی الیمه یئتیشدی کی چوخلو تعججوب ائتديم؛ او کارت من دئیه ن سؤزلری گؤسته ريردی. اولابیله ر کی سیز ده ياسوج شهرينی، بير فارس يا لور بؤلگه بيله سينيز! آنجاق، "کهگيلويه و بويراحمد" اوستانينين باشکندی اولان "ياسوج" شهرينده، بير توی قورولموش و اوندا قاشقای تورکجه سی و فارسجا ديللرينده قوناقلاری تويا چاغيرميشلار. اؤز آراميزدا قالسين کی بئله ايشلرين تايی ، آذربايجان`دا چوخ آز گؤرسه نير!

بو کارتلاری دا بايرام کارتی اولاراق، سئوگيلی اوخوجولارا تقديم ائديب و قورخماز، شرفلی و کيملييينی قورويان قاشقای ائلينه بو يئنی ايلی قوتلاييرام.

ج.ك(آيدين)
1384/قيش سونو (اسفند)/29 ، 2006 March.20